චතුරංගි හර්ශිකා 5 years ago 278 2 0
මම ආසම උඹේ ඔය හිනාවට... මුළු චන්දෙම මම ආසා කොටස උඹේ වත... දේශපාලනයේ කුහක මුහුණු මැද... චන්දෙ ඉල්ලලා බොරුවට අඩන උන්ගෙ නාඩගං මැද... ටෙලිවිෂන් පත්තර හැම තැනකම තිබුණේ උඹෙ මුවේ හිනාව... උඹ චන්දෙ ඉල්ලුවනං ඇත්තමයි මම මගෙ කුළුඳුල් චන්දෙ දෙන්නෙ උඹට... එච්චරටම මනාපයි මං ඔය හිනාවට... - චතූ
චතුරංගි හර්ශිකා 5 years ago 281 2 1
(වනගතව බවුන් වඩනා හිමිවරු) සසර මග හරි රළුයි කටුකයි හිත් තැවුල් නියතයි දුකයි එතෙර වන්නට නොහැක අපි අපි බැදුණු තැන්වල සැප හොයයි... නිතර දකිනා හැම තැනම දුක රුදුරු ගින්නෙන් යළි දැවෙයි සසර හැර දා සැනසෙන්න තව අපිට නිවනත් දුර වගෙයි... සිවුර ඇගලා බුදු පුතෙක් වී සසර කෙටි කරනා නියා සිවුර යටිනුත් කාසි හංගන නපුරු උන් දැන් බෝ වෙලා... නමුත් නොදකින අදුරු තැන්වල ගන වනන්තර තුළ පවා බවුන් වඩනා බුදු පුතුන් වෙති පුදුම සීලයකින් මෙදා... ගැටෙන තැන්වල කොහොම සැනසුම හොයන්නද හිත් චංචලයි සිවුර පෙරවූ පමණටම නම් සසර මග කෙටි වී නොයයි... ඈත හිමයක තනිව වනයක සොඳුරු බුදු පුතෙකුගෙ ළගයි සැබෑ ධර්මය ජීවමානව තිබුණෙ ඒ නොපෙනෙන ඉමයි... - චතූ
චතුරංගි හර්ශිකා 5 years ago 310 1 2
මිහිකත සොඳුරියට අබරණ පැලැන්දවූ... සුන්දර සොබාදම හැඩකර කවි පබැඳූ... මේ ගහකොල සොඳුරු මල් ගොමු අතර තැබූ... රළු හදවත් පවා උණුවෙයි මිහිර ලැබූ... හිමිදිරියක අරුණ රැස් කිරණක් මැද්දේ... මිහිලිය සිනාසෙන සුන්දර ගම්මැද්දේ... මම දුටු සුන්දරම දසුනයි මගෙ දිවියේ... කැකුලක් පිපී ඇත ලස්සන හිමිදිරියේ... හැන්දෑ අහස පරයන සුන්දර පාට... ඒ මල මුවග තිබුණා ඒ ලා රෝස... සුන්දර යුවතියක හිස ලූ බොර පාට... සුන්දර හිස් වැස්මක් රිසි ඒ කවුද... නිල් ගගනතට හිරු ඇවිදින් හිනැහෙද්දී... මම දුටු සුන්දරම ඒ මල හිනැහෙද්දී... කුසුමේ තනිය මකනට රහසින් එද්දී... නැවතුණු ලස්සනම බඹරෙක් දැක ගතිමි... මේ නම් සොබාදම් දෙවගන ලොවට මැවූ... තව සුන්දරම දසුනකි නෙත් සිත් පිනවූ... අඩු වැඩි වර්ණ නිසි ලෙස යහමින් ගැළපූ... මල මත බඹරින්දු සිතුවමකට සුදුසූ... - චතූ
චතුරංගි හර්ශිකා 5 years ago 387 2 0
නෝට්ටු කොල අතර සිනාසෙන හෝරාවක... හිතට අවසග නැති නූපන් හීන කුමටද... ජීවිතේ හඹා ගොස් අපි හොයන අපි පතන.. සතුට සැනසීම ඇත්තටම සල්ලිද... උඹ ළගදි මට දැනුන මගෙම කියන ලස්සන හැගීම... නුඹ ළග තිබුණු සල්ලිවල තිබුණා කියා උඹ හිතනවද... උඹ හරි මිල අධික හීන මැද ජීවතේ මැව්වට... උඹ නොදත් එකම දේ ආදරේ විතරමද... දුප්පත් හීන පාට පාට නොවුණට... නුඹ නොදත් එක දෙයක් තියෙනවා දන්නවද... ධනවත් හීනවල පාට දවසක හේදුනත්... දුප්පත් හීන ජීවත් වේවි හැමදාම... හේදෙන්න පවා පාටක් නොතිබූ නිසා ම... - චතූ
චතුරංගි හර්ශිකා 5 years ago 279 2 2
කෙලිබරම ළමා හිත නුඹ තරම් හදුනාපු කිසි කෙනෙක් නැතුව ඇති ජීවිතේ රසවිදපු... සුන්දරම ළමා විය සිතුවමට පණ පොවපු තේරෙන්නේ නැහැ ඉතින් කොහෙන් ආවද අකුරු... පුදුම සිතුවම් අතර නෙත් පවා මත් කරපු මහළු හිතකට පවා ළමා හිතුවිලි දීපු... වේදනාවට දුකට තරහවට ඉඩ නොමැති නුඹෙ කතා අතර මම දුටුවෙ රන් දෙව්ලොවකි... මට අහිමි වුණත් මම ආදරෙන් සිත් බැඳපු ලස්සනම ළමා ලොව නුඹයි සිතුවම් කරපු... සිබිල් නැන්දේ ගියත් මතක හැරදා දුරක නුඹ සදා පණ ගැහෙනු ඇත පුංචි හිත් තුලම... නුඹ දිනෙක පැතූ සේ නුඹෙ ආත්මය ඈත අහසෙ පියඹා යාවි සුරගනන් මැද රෑක... මම, චතූ
චතුරංගි හර්ශිකා 5 years ago 280 2 0
හදවත රිදෙන මුත් නවතිමු මෙතැන් පසූ සිතුවිලි සිර කරන් දෙඅතක යන්න යමූ මහමෙර තරම් ගින්නක් ඉහිලුවට පසූ කණාමැදිරි එළියට හිත බය නැතිලූ මෙතෙක් දුරක් ආ මග නොබලාම ඉමූ හිතෙන් පවා අපි ගැන අපි නොහිතා ඉමූ හමුවුණු හැම විටම අපි මුණිවත රකිමූ රහසින්වත් යළි නෙතගින් නොම බලමූ දවසක හමුවුණත් නොදන්න ලෙසින් ඉමූ අහසක් පුරාවට අපි ලියු ගී මකමූ යටගිය මතක ඔක්කොම දොරගුළු දමමූ අහිමි බැඳීමට නැවතුම් තිත තබමූ හදවත් යළිත් කියනා කවි නොම අසමූ වදනක් පවා අපි අපි ගැන නොලියා ඉමූ අපිටත් උරුම නැති හීනෙන් අවදි වෙමූ අදින් පසුව අපි ආයෙත් හමු නොවෙමූ මම, චතූ
චතුරංගි හර්ශිකා 5 years ago 290 3 2
-අවසානයේ යුවතිය වැන්දඹුවක් ලෙසත් හෙතෙම තනිකඩ මහල්ලෙක් ලෙසත් මහළු මඩමක් තුළ යළිත් මුණ ගැසේ- හදවත කොණක හසරැල්ලක් රැදුනාට අවතැන් හීන සිතුවිල්ලකි නුඹ මෙමට අසරණ වුණත් ජීවිතයේ එක තැනක ලියන්නට හිතයි කවියක් අපි ගැනම මල් පිබිදෙන යෞවනයේ ඉම කොණක වෙනකෙකු අත රැගෙන මා දුර ගිය කලට අපි ලියු කතාවේ පිටුවක් පුරාවට දනිමි කදුළු හැලු බව නුඹ මම සේම අවතැන් කෙරූ ආදරයේ සුපෙම් හද වෙනතක බැඳෙන වග හීනෙන් දුටිමි මම ජීවිත සැන්දෑවෙ ඉම කොණ තවම හිද අපි අපි ගැනම නොහිතන බව කියනු කිම හැම හවසකම මේ පියසේ මුණ ගැහෙන හැම දවසකම මගෙ නෙතු ළග හිත තියන මහළු මඩමෙ කඳුලැලි මැද සිනාසෙන අවතැන් පෙම්වතුන් යුවළයි අපි දෙදෙන ජීවිත කතාවේ පෙම් කවි ලියනකොට වැඩිහිටියන් නොමැරුවා නම් සුපෙම් හද වැන්දඹුවක් ලෙසින් මේ මඩමේ තනිව නොසිටිනු ඇති මමත් මෙලෙසින් අවතැන්ව යොවුන් වියේ බැඳි ආලය ජය ගන්න හැකි වූවා නම් අපි අපගේ වෙන්න තනිකඩ මහල්ලෙක් සේ මෙහි නවතින්න නුඹටත් සිදු නොවනු ඇති අවතැන් වෙන්න යුග ගමනේ එක් වෙන්නට වරම් නැතත් මහළු වියේ නුඹ නෙත දැක ගැනුම සැපක් දෛවය උරුම කළ ඒ දුක් කන්ද මැදත් නුඹෙ ළෙංගතු සිනහව මහමෙරක් අදත් මම, චතූ
චතුරංගි හර්ශිකා 5 years ago 313 1 2
2020 උඳුවප් මස 29 වැනි දා අඟහරුවාදා ප.ව. 10.22 යි... ✍ මම යනු, ____________________________________?____ ජීවන කවිය යළි යළි තව ලියනකොට සමහර වචන පද වැල් මැකුවා නැවත හරි ලස්සනයි හිතවත් යැයි සිතුව තැන සිතු දේවල් තිබුණා දැයි සැකයි තව හිතට දැනෙන හැඟෙනා දේවල් ගොන්න කුරුටු ගාන අපූරු කවියන් අතර කවිය තරමටම සුන්දර හිත් දැරුව පුදුමාකාර කවියොත් දුටුවා මනෙත කවියෙක් කියා මම මට නොකියමි තවම සිතුවිලි කුරුටු ගානා ජීවියෙකි මම කියවා මිහිර විඳගන්නට මෙන් ම ඔය කවි පද කුරුටු ගෑමට හරි රිසියි හිත බොහෝ සොඳුරු කවිකම් කියවලා ඇතී ඒ මිහිරට මගෙ සිතුවිලි බැඳිලා ඇතී ඒ කවි ගැන හිත ලොබ වූ නමුදු බැඳී කවිය එහි තබා රස පමණක් ගනිමී ගසක මලක් පිපිලා සුවඳක් දෙද්දී ආසයි නෙළන්නට මල ලස්සනයි සිතී මලෙහි අයිතියක් ඇත්තේ ගසට නිතී සුවඳ පොදක් පමණක් විඳ පිටව යමී මහිත ලෝලකම් කරනා දෙයක් වෙද කුරුටු ගාන්නම් කහටක් නැතිව තව අයිති නොවෙන ඉඩම් වලට ඉතින් ලොව රහසින් ඔප්පු නොලියන කවියෙක් ය මම මම, චතූ ___________________________________?✍___
චතුරංගි හර්ශිකා 5 years ago 339 3 2
? මෙහි රචකයා නිරෝෂන් නම් විය...? මම පෞද්ගලිකව මෙම කවි පන්තියට බොහෝ කැමැත්තෙමි. කියවීම සහ රසවින්දනය යනු හුදෙක් ම ආත්ම තෘප්තිය හා බැඳි දෙයකි. මම ලියූ දෙයක් මගේ යැයි කියා එය කියැවීම සහ ලිවීම මට තෘප්තියක් සේම අන් අයෙකු ලියූ දෙයක් අන් අයෙකුගේ බව සඳහන් කරමින් එය පොදුවේ රස විදීම මට තෘප්තියකි.❤ හුදෙක් රසවින්දනය සඳහා ම මෙසේ මෙම උපුටා ගැනීම මෙහි දක්වමි. ✍ ❇️❇❇❇❇❇❇❇❇❇❇❇❇❇❇❇❇❇❇❇❇ ජීවිත පොතේ අවසන් පිටු තුන හතර ඔත්පල දෑස් කියවාගෙන යන අතර පිං පඩි හලේ පඩි ගණිනා අතරතුර පඩි පෙළ පාමුලේ නුඹ හැර මතක දොර කෙහෙරැළි කොහෙද නළලේ සිට දග කරන ඇති කෙස් ටිකත් සුදු පාටක් තවරගෙන සුන්දර සිනාවක හැම තැන ඉරි තැලුණ ජීවිත පොතේ මැද පිටු හිත පාරවන අප තැනු මාලිගා අහසේ තාම ප්රියේ වෙව්ලන දෑත්වල දහසක් රහස් තියේ සිතුවිලි පර වුණත් සෙනෙහස තාම ළයේ යව්වන සුවඳ සුළි සුළඟට ගසා ගියේ මසකට වරක් පිං පඩි දා මුණගැහෙන හැම පෝයටම මට එක්කම මල් ගෙනෙන ඔබ මම තවම මේ සසරේ බර අදින පෙම් යුවළක් ය තනි තනිවම දිවි ගෙවන පිං පඩි ගන්න පෝයට සිල් අරගන්න ඔබ දැකගන්න මතකයෙ දොර ඇරගන්න මේ දුක සතුට ගෙන ආයෙත් ඔබ එන්න තව පිටු කීපයයි කියවා නිම වෙන්න
Nethu 5 years ago 215 5 6
තුෂර පිනි බිඳු වැටෙන අඹර මඳ සුළඟ සිප ගැනෙන මකරන්දයේ මල් ගොන්නක් අතර වැතිරුනෙමි මා ඉන් තනිවී.... නෙතගින් නැගෙන සිහින් ඉකිය සංසාරයේ හැන්දෑවක කෙදිනක හෝ හමු වී ඇතැයි සිතට දැනෙනුයේ හුරු බවකි..... භාවාත්මක හැඟුමන් සමග පොදබඳින නිල් කැට දහරාව තනිකම නිවාලයි.... නා නා වර්ණයන් අතර ධවල සිත්තමින් සිත් සනහන, පහන් හැඟුමන් ගෙන විකසිත වන අහිංසකාවිය මා වෙම් ~සුදු නෙළුම~
Nethu 5 years ago 273 5 4
මි තුදමින් වැළඳ හිඳ තු ටු මල් ගොන්නක් අතර හිනැහුණු රි දුමෙහි සනසවාලූ යෙ හෙළියයි නුඹ මගේ හද තැන්පත් වූ........???
Inoka Jayasekara 5 years ago 260 3 3
කාලේකට පසුව දුටු ඔබෙ රුව... සොම්නස මුසුවු සිනහව ... ආදරණීය පෙම් වදන්.... අසරණ කලාට මගෙ හිත .... දිනයක් පැමිණෙව්..... මේ වගෙ නොවන... එදිනට පවසන්නම් ඔබට..... මගෙ හිත පෙම්කලාද ඔබට.... කොතරම් ඇවැසි වුවාද ඔබව... ❤❤❤
Copyright © 2021 Nisadas | Powered by Arvin Apps
