Dila ???? Nisadas Count (68)
Dila ???? 5 years ago 382 7 6
ඉතින් අවසර යන්න සමුගෙන හදේ දොරගුළු කඩා බිද ගෙන කදුළු තැවරුණු මතක හිත් පොත තුරුළු කරගෙන මියෙමි දිනයක.. මගේ මළගම කන වැකුණු විට කඩා බිදගෙන සොදුර එනවද මගේ තනියට සොහොන් කොත ළග ඔබේ කදුළක් තියා යනවද.. නිතර ඇස් යට රැදුණු ඔය රුව සසර මතුවට පතා එන්නද අපට වැරදුන ආදරේ මඟ සොයාගෙන අප නැවත ළං වෙමුද..
Dila ???? 5 years ago 397 3 8
අතීතයක මං නැවතිලා පැරණි මතකය සොයනවා සුසුම් වැල් වල දවටලා විටක මම නුඹ සිඹිනවා.. ගැහෙන පපුවක හංගලා හෙමින් නුඹ පිරිමදිනවා හීන වල නැවතුන ඔයා තාම ලේ වල දුවනවා.. රිදෙන තැන් වල බල බලා කදුළු පැල්ලම් පිහිනවා අපිට වැරදුන තැන සොයා බරට හුස්මක් තියනවා.. ගොඩක් රෑ සීතල වෙලා වළාකුළු සද නිවනවා රත්තරං මං නෙතු පියා නුඹේ රෑපය මවනවා.. සොදුර නුඹ කිව් කතා දෝංකාරය ඇහෙනවා යටි හිතින් නුඹ කැළතිලා එද්දී හදවත රිදෙනවා..
Dila ???? 5 years ago 337 4 7
හුඟක් කවියන් ලියූ කවි ගී පපුවෙ ගැඹුරට එබි එබී කුමක් හෝ මතකයක් හොයනවා නොදී යන්නට මැකි මැකී පසුව දිනයක හමුවුනා ලොව කවක ගීයක මල් පිපී ඉතින් මතකය ලං වුනා මට එතන හිටියෙත් ඒ අපී එදා වාගෙම අදත් හෙටටත් කවියො කවි මත හැපි හැපී ලියයි පෑරුණු රිදුනු තැන්වල තිබුනු ලස්සන ඒ හැටී
Dila ???? 5 years ago 320 5 7
මහ රෑ ගැස්සී අවදිව ඉඟ වටා ගිය නුඹේ අත කොහිදැයි සොයමි.. ලෝකයම එක තැන නතර කල පපුතුරේ උණුහුම සොයමි.. බදාගෙන ආදරෙන් විසිරුණු ජීවිතය එක්තැන් කල හීනෙනුත් ළඟ හිඳින ආදරේ කොහි දැයි සොයමි..
Dila ???? 5 years ago 387 3 2
ග්රීෂ්ම සෘතුවක හමුවුනු ඇස් දෙකක් සීත සෘතුවට ඇද ගිය අත් දෙකක් ඇයි හමුවනේ කියන එක ප්රශ්නයක් බදාගත් පසු අතාරින්න නෑ හේතුවක් හමු වූ තැනයි දැන් ඉදින තැනයි මහ දුරයි පටන් ගත් තැන හොයායන එක කරදරයි එන්න එන්නම නුබේ රූපය අන් සතුයි මට නම් නුබ ගම්පෙරළිය වගේ ලස්සනයි දුරින් ඉදිනා නුබේ රූපය අන් සතු වුනත් සොඳුර නුඹගේ හීනී හදවත මා සතු කරන් ආදරෙ මොකටද හදවත රැක්කොත් ඇති ආදරෙන් නුබ මට හමුවුනු කාලෙකට පෙනෙනා හීනයක් වෙන්න ඕනේ ඔක්කොම වෙලත් නුබ තරම් දැනුනේ නෑ කව්රුවත් හිනා වුනාට මහා ගොඩක් උබටයි අයිති ඒ හිනාවේ කොනක්
Dila ???? 5 years ago 355 4 5
ඉඳහිට දිනෙක සපැමිණ වගතුග සොයා නිහඬව නුඹ යළි නික්ම යන'යුරු නොදුටුව විලස හැසිරෙමි ආගිය තැනෙක සුපුරුදු හැඟුමක සිහිල කැටිවුණ ඉපැරණි මතක අරණක දැන දැන අතරමං වෙමි
Dila ???? 5 years ago 319 4 6
වගක් නැතුවා වගේ හිඳ තනිව ඉකිබිඳී අහසද කඩා වැටෙනා තරුවක අවසන් එළිය සිහිකර හරියටම මං වගේමයි සිනහවන් දහසක් මැද ළයට අත තියා බලනු මැන තවම ඔබ එතැන එහෙමම
Dila ???? 5 years ago 323 4 6
අඳුරු අහුමුළු ඔබා යටට හිනා පුරවා හිඩැස් මැදට ගොතා ගත් පසු රහට හැඩට කවි කියන්නෙම මතක වලට රෑක මීදුම අස්සෙ සඟවා මිදුණු හසරැලි හෙමින් සොලවා අයිති නැති තැන් පපුවෙ රඳවා හීන වලිනුත් කවි ලියනවා
Dila ???? 5 years ago 327 4 4
නිහඬ නිසසල හුදෙකලාවක සිතත් ගැඹුරුම කල්පනාවක මතක ඇවිළී යන වෙලාවක නුඹ දිටිමි වැහි බර වළාවක.. සඳ නොදී සඟවන් අමාවක වසන්තය පැටළී පමාවක කඳුළු අබියස පෙම නිමාවක නුඹ දකින්නට වන්දනාවක.. හදෙහි පිළිරැව් දෙන සිනාවක රැඳී එන මායම් ඉනාවක හිත නිවන ගායනාවක නුඹ විඳිමි හිඳ භාවනාවක..
Dila ???? 5 years ago 312 5 8
යනෙන මගතොට අතර මගකදි ඔබේ හැඩ රුව පෙනුම සම ඇති පිරිමි රුවකට පවා රැවටෙමි ඔබද සිතමින් මදක් නවතෙමි හිනාවක් නම් මුවඟ නොපෙනේ එහෙත් ඒ ඔබේ දෑස් නොම වේ මත් බඳුන ඇස් මැවී බොඳවේ අමුතු දුකකින් පපුව බර වේ ආයෙ දවසක හමුවෙන්න බැරි හේතුවක් තිබුණද මොනවහරි එහෙම නැතිනම් හමුවුනොත් යළි වෙන් නොවෙන බව දැනුනාද අපි...
Dila ???? 5 years ago 321 6 6
ගිනි ගන්න තැන්වලදි පෙගෙනවා ඇතැම් ඇස් සුළි සුළං කඩා පැන ඉබාගාතේ හොයයි අත් වැහි බිරුම් අස්සකින් ගිලිහෙනවා මැරුණු පත් අන්තෙටම ළඟා වී පණ අදියි බිඳුණු හිත් !!
Dila ???? 5 years ago 368 4 6
රැයේ මල් පීදිලා අඳුරේ සුවඳ හලලා ඔහේ පරවේ ප්රේමයේ කවි කතා අතරේ නිහඬ සුසුමන් රැඳී දියවේ... තැනිතලා මුඬු බිමක අඳුරේ පහන් තරු එළියක් ද රැඳුනේ පියාගෙන ඇස් දෙකම සොඳුරේ හොයාපන් හදවතක රස්නේ...
Copyright © 2021 Nisadas | Powered by Arvin Apps
