Deesha(දීෂා)❤️ Nisadas Count (73)
Deesha(දීෂා)❤️ 6 years ago 281 2 2
පාළු රාත්රියක නිහඬ නිමේෂයක දෙකන් පෙති කිතිකවා ඇසේනම් නුඹේ ප්රේම ගීතිකා.. කුමක් සිතන්නද නුඹේ ප්රේමයට එපිටින්... කුමක් පතන්නද නුඹේ ප්රේමයට රහසින්... මගේමයි කියා සෙනෙහසින් මා නළලත තැබූ උණුසුම් හාදුවම දිනෙන් දින ගෙවීගොස් දැනේනම් ඒ උණුසුමම කුමක් සිදුවීද යැයි නොදැනෙන ලෙසකටම.... සිතන්නට කිසිත් නැති, පතන්නට කිසිත් නැති මගේ මේ සිත් ඉමට ළං වුනේ කෙළෙසකද? කියන්නට නොහැකි ලෙස මගේ මේ ජීවිතේ මහා ලොකු ප්රාර්ථනාවක් නුඹ නමින් පුරන්නට ඉඩ දුන්නේ කුමකටද? කියන් මට කුමරුවනි මේ පුංචි ජීවිතය නුඹටමද?... වෙන්ව නොයන්නට ඔය සිත් මායිමෙන් සදාකල් රැඳී ඉන්නට වරම් තියේවිද මට ඉතින්.....෴? ෴දීෂා෴
Deesha(දීෂා)❤️ 6 years ago 256 2 2
මියැදුණු හදවතක ශේෂ වුණු ප්රේමයත් සමඟ හුස්ම වැටෙනවට වැඩිය නැති එකමය හොඳ.... විටින් විට ඇවිත් නුඹ මා නොහඳුනනා ලෙස රිදවලා යනවට වැඩිය නෑවිත් ඉන්න එකමය වඩා හොඳ...
Deesha(දීෂා)❤️ 6 years ago 275 2 2
ලියන්නට බැරි වූ කවක් හෙමිහිට ලියා තබමි...✍️ කියන්නට බැරි වූ කවක් හෙමිහිට මුමුණනමි...? දරාගන්න බැරි දුකක් හෙමිහිට විඳවමි....? මට අහිමි සෙනෙහසක් හැමදාම මම පතමි...?෴ -දීෂා෴❤️
Deesha(දීෂා)❤️ 6 years ago 296 6 17
කපා පෙනහලු ඉවත් කරපන් හුස්ම එහි නොවැටෙන හෙයින් පලා බඩමැද අයින් කරපන් බඩවැලුත් කුණු වන හෙයින් උලා ඇස් දෙක දනට දීපන් ලොව දකින්නට ප්රීතියෙන් එපා හදවත අයින් කරනට කෙනෙක් ඉන්නවා පණ පිටින්.......... ✍️
Deesha(දීෂා)❤️ 6 years ago 280 5 7
සාගරය පරයා වේදනා විඳගෙන වදා දරුවන් විලිරුදා ජයගෙන ලොවක් තනනා මහඟු අරුමය පිනක් මිස කරුමයක් වේවිද ළඳක් වී ඉපදීම මිහිමත.............
Deesha(දීෂා)❤️ 6 years ago 296 4 5
අකුරු මහ ගොඩක් නැතුවට වචන දෙක තුනක් පිළිවෙළට පේන මායිමක කොහේ හරි මැණික ලියලා පලයන් නුඹ හොඳින් වග....?
Deesha(දීෂා)❤️ 6 years ago 298 5 2
අතීතය සිහිනයකි නැවත නොදකිනා අනාගත පැතුමකි ඉටුකරනු වෙහෙසෙනා ජීවිතය ගැටලුවකි යම් දිනෙක විසඳෙනා ඔබ මගේ සොයුරියයි හදවතේ නොමැකෙනා.....
Deesha(දීෂා)❤️ 6 years ago 266 3 2
සංසාර මාවතේ පියෙකු ලෙසින් හමු වූ ඔබ මිතුරෙකු සේම ගුරුතුමෙකි මාහට... නෙතට නැගෙන කඳුලැල් පිසදා මුවට නැගෙන හසරැල් විමසා ජීවිතය ගොඩනැගීමට ඔබගෙන් ලැබුණු සවිය කෙසේනම් වර්ණනා කරන්නද පියාණෙනි? ඔබෙත් මගෙත් නොමැකෙන සෙනෙහස හද පත්ලෙන් නෙරපන් නෑ කිසි කලෙක... ජීවිත ක්ෂේම භූමියේ අතරමං වන්නට ගිය මා දෑත් යළිඳු අල්ලා මාළිගාවකට රැගෙන ආවේ ඔබයි ආදරණීය පියාණෙනි මියෙන තුරාවට මගේ ශක්තිය!❤️❤️?
Deesha(දීෂා)❤️ 6 years ago 273 3 2
බුද්ධියේ අරුණලු දල්වන්නට මා මනස වෙහෙසෙන නිමේෂයේ විඩාබර සිත්පොඩිය අස්වසන්නට වෙහෙසකාරී වෙමින් ආලෝකය ලබා දුන්නේ ඔබයි... තරගකාරී ජීවිතයේ මං මුලා වූ නමුත් තුෂර බිඳු සේ අවුත් යනෙන මං කියාදුන්නේ ඔබයි... නිමාවක් නොදකින සලෙලුන් රජ කරන අධම වූ ලොවක හුදෙකලා වූ මා මනසට ශක්තියක් වූ ඉඩෝර බිම් නිවාලන කඳුරැල්ල ඔබයි ආදරණීය මෑණියනි, මියෙන තුරාවට මගේ ශක්තිය!...❤️❤️❤️
Deesha(දීෂා)❤️ 6 years ago 285 5 9
අදින් පසුව මතුවටත්.... ඒ වදන් යළි නොඇසේවි ඒ සිනහව යළි නොදකීවි නමුත්, කෙදිනකවත් ඔය දෑසට කදුළක් නම් එන්නට ඉඩ නොදෙන්න ඒ මේ දෑසට ඔය දෑසින් වැටෙන්නට ඇති කදුළුත් උරුම නිසා... මා විමසන හැම කෙනෙකුටම මා නොදෙන්නා බව පවසන්න මට දැක්වූ ආදරය තරමටම ඇයටද සෙනෙහස පුද කරන්න ඒ සමඟම අදින් පසුව මතුවටත් මේ හිත අමතක කරන්න ......
Deesha(දීෂා)❤️ 6 years ago 309 7 12
ඔය පපුවේ නැතිද මගේ නම කොටලා? තියෙනවා නේද මැකිලා යන තැනක හරි ලියලා... ඔය හිතේ නැතිද මගේ රුව ඇඳිලා? තියෙනවා නේද බොඳවෙන තැනක හරි මැවිලා... ඔය හුස්මෙ නැතිද මගේ සුවඳ රැඳිලා? තියෙනවා නේද ගිලිහෙන තැනක හරි එතිලා.... අහුවොතින් ලයට නුඹේ කන තියලා ඇහෙයිද මගේ නමම රැව් නැගිලා... බලපන් පපුව මැද මගේ පලලා... ඉන්නේ නුඹ ගැඹුරුම තැනක වෙලිලා...
Deesha(දීෂා)❤️ 6 years ago 454 5 0
"If you are alone, I'll be your shadow. If you want to cry, I'll be your pillow. If you want a hug, I'll be your teddy. If you need to be happy, I'll be your smile. But anytime you need a friend, I'll just me be...."
Copyright © 2021 Nisadas | Powered by Arvin Apps
