චතුරංගි හර්ශිකා Nisadas Count (437)
චතුරංගි හර්ශිකා 5 years ago 269 8 9
_____________________________________⛈___ වසන්තය මිය යද්දී දිගන්තය පුරාවට මල් වදුළු පිසගෙන මද නළ හමා ගිය වගයි... ලොවේ හැමටම රහසින් හුදෙකලා මුල්ලක මගේ හිත් මල ජීවය සිඳී මිය ගිය වගයි... මහලුවිය ගෙනා උරුම දුබලකම දෙපා දෑත් පවා යදමින් බැඳ ලූ හැඩයි... තවමත් පණ ගැහෙන හද මල විතරක්ම සිසිරයට පවා නෙතඟ තාරුකා එළි මවයි... හැබෑවට සැඳෑ සමය පෑල දිග අහස් ගඟ රක්ත සළුවෙන් වෙලා මතක පුරා වත් ගිනි තැබූ හැඩයි... තාරුණ්යය මැකී යන තුමුල සොඳුරු කළු කෙස් ශ්වේත වර්ණිත ව එකිනෙක වැටී යයි... ගඟක් වූවා නම් නියඟයට සිඳෙනු ඇති මලක් වූවා නම් දිනක පරවී මියෙනු ඇති... පෙමක් වූවානම් දිනෙක එය අහිමි වනු ඇති මමත් මේ රංග භූමියෙන් දිනක බැස යාමට නියමිතව ඇති... මම, චතූ✍ 2010 නොවැම්බර් මස 04 වැනි දා ප.ව.11.49 _____________________________________⛈___
චතුරංගි හර්ශිකා 5 years ago 279 4 5
_____________________________________?___ ?වරින් වර අප ඇවිද ගිය මග නිරන්තර මම ඇවිද හෙව්වෙමි... ?විටින් විට අප උන්නු තැන්වල වරු ගණන් මම බලා උන්නෙමි... ☀සියක් වර නුඹ නමට හිත්මල හඩද්දී මම හිනා හෙව්වෙමි... ⏳සහස් ගව් දුර නුඹේ පෙම් වත හොය හොයා හිත පෙලා දැමුවෙමි... ☔නැතක් හිත් වේදනා අභිමුව පතිනි දෙවොලේ හඩා වැටුණෙමි... ?අදත් ඊයෙත් හැම මොහොතකම නුඹ නමට පේ වෙලා උන්නෙමි... ?දෙනෙත් ඔය රුව දකිනු රිසියෙන් හඩද්දී ගොළු වෙලා වැලපුණි... ?මදක් සිත එක තැනක තියලා ඔබේ රුව සිතුවම් කරන්නෙමි... ?දහස් සිතුවිලි හිත් අහස් කුස පෙරැළි කොට හිත පෙළා දුර යති... ?අතක් නෑ දැන් වාරු වෙන්නේ කොලය මත කදුලැල් වැටෙයි නිති... ?මියැදි කවියක මියැසි මතකය සොයා සිතුවිලි අතීතෙට යති... ❤අහස් ගව්වට වඩා ඈතින් පෙමක් තිබුණා මියෙන තුරු ඇති... මම, චතූ✍️ 2020 නොවැම්බර් මස 04 වැනි දා බදාදා ප.ව. 08.29⛈ _____________________________________?___
චතුරංගි හර්ශිකා 5 years ago 290 4 5
?පෙම්වතෙකුගේ කවක්☔ ______________________________________?__ ප්රේමණීය වැහි හුළං හුදෙකලාවට ගතු කියනකොට විල් තෙරක පුංචි තණ පදුරක් භාවනා කළා පෙම් දැහැනක... වසන්තයට පසුවත් අදුරු ජීවිත උයනේ ගල් තලාවක පතොක් මලක් පිපිලා වගේ මීන නෙතග දැන් ප්රේම ආලිංගනයක... සංසාර ගමන දුර ඈත අනන්තය හොයන හිත් දෑල වස්සාන ගීතිකා කියන පෙම්පාට රතු හැන්දෑව... මේ නම් අරුම ආදරේ ගෙනා ලස්සනම කවි හීන ආදරණීය මලක් පිපී ඇති යළිත් කිති කවයි පෙම කෝල... හීන් මන්දාරමට අහසටත් හොරා සිපගතිමි පිණි කවිකාර සොඳුරු වසන්තය ගෙනා සුරගන ඇය තමයි මට භාර... වන උයන් මැද නේක වර්ණිත මී බිගුන් සිත සිහින ඈ තමයි හැම සෘතුවකදිම හිත් දෙවොළේ දිව්යාංගනාව... මම, චතූ✍ 2020 නොවැම්බර් මස 04 වැනි දා බදාදා ප.ව. 08.20⛈ ____________________________________?___
චතුරංගි හර්ශිකා 5 years ago 333 4 6
___________________________________⛅____ ?වතුපාළු පැළ පිරුණු වැල් ගාල ඉස්මත්තෙ පරසතු මලක් උදේ බලා උන්නා ලන්දෙ...?? ?කහපාට පෙති සිනිදු කවියක් වගේ පෙනුණු කැලෑ මල ලස්සනයි සුවඳ සැලුනා පින්නෙ...?☔ ?පිණි පොකුරු එලාලූ තණ පලස පුරාවට හිරු එළිය මුතු රටා හොරෙන් මැව්වා පොළොවෙ...⛅? ?ගග දියට හොරෙන් මෙන් පුර පෝය හඳ අහසෙ පෙනී නොපෙනී ගියා නිල් වලාකුළු අතරෙ...☁️? ?දෙවැට දිග පින්න මල් කතා ලිව්වා සුළගෙ වැව් ඉමේ මවන කවි අපිට ලිව්වා වාගෙ...☔? ☀️රුවන්වැලි සෑ රදුන් අහස් ගඟ දෙස බලා සොඳුරු අහසට අරුම කතා කියනා යාමෙ...?? ?මලානික සුදු පාට පින්න මල් සුවඳ හා මගේ හිත හාද වී දුර ඈත යන මොහොතෙ...?? ?වෙන්න තිබුණා නම් මටත් පුංචි අරලියා මලක් ආදරණීය ඉරමල උදෑසන අරන් වඩින යාමෙ...?? මම, චතූ✍ ___________________________________⛅____
චතුරංගි හර්ශිකා 5 years ago 283 4 5
පාඩම් පොත් අතරේ ජීවිතේ හෙවුව කාලයක සුදු ගවුම ටයි පටිය සුවඳ මතකයක් තවම හිත යට... සොඳුරු විදු බිමට සමු දුන්න හීනවල තිබුණේම අනාගත සුබ ලකුණු පමණක් ය... ඒ තරම් ආදරේ ළෙංගතුයි හිත් වලට යහළු යෙහෙළියො එක්ක බෙදා ගත්තා ලොවම... ලෝකයක් තනන්නට විදුබිමෙන් එපිට ඉම සරසවිය බලා හුනි සෙනෙහසින් පිළිගන්න... ආ මගෙහි සුන්දරම මතකය නුඹයි පාසල අකුරු කළ සොදුරු අඩවිය නුඹයි දුන්නේ ජීවිතේ හැමදේම... නුඹ සෙවන අපට අහිමි මුත් අපි ලොවක් තනන දා තවත් පුංචි පැටවුන් රැසක් තුරුළු කර නුඹ හිනැහේවි එදා... උනුත් සොඳුරු මිනිසුන් වී නුඹ සෙවනින් නික්මෙන දා රදවා නෙතග මදහසක් නුඹ බලා හිඳීවි අලුත් උන් එනතුරා... ආදරණීය පාසල් මෑණිය ඔබෙ සෙනෙහේ මතු හැමදා හදවතේ බැතිමත් ම ඉමේ නිදන්ව තිබේවි මියෙන තුරා... මම, චතූ
චතුරංගි හර්ශිකා 5 years ago 294 5 7
සිතුවිලි මන්දාරම පුරුදු හිත බිඳගෙන විටෙකදි හන්තාන පරදයි...? මහවැලියට එකතු කළ මතක හැමදාම ගග ඉහත්තාවෙ ම තිබෙයි...? සේපාලිකා මල් ඇතිරූ පොළොව හා ආදරණීය නිල් අහස පෙර වගේ සිනාසෙයි...? ජීවිතේ ප්රශ්න කන්දක් ආවත් සිසිරයට වසන්තයට කවි හිත ආදරෙයි...? නොවෙනස් හන්තාන මුදුනට මීදුම තවමත් කෝල කම් කරයි...? දවසක හවසක කැන්වසය මත නුඹ ඇන්ද මගේ සිතුවම අපූරුයි...? තවමත් මගේ දෑස අද්දර ඒ ආදරේ කවිකම් කරයි...? තනිකම මැදින් වුණත් ඉදහිට අපේ පුරාවත මම යළි යළිදු මවයි...? හීන අහසක් උසට දෝත් මත සිඳුනත් අපි ගෙවූ සොඳුරු දින අද වගේ මතකයි...☀️ වසන්තය මිය ගියත් සඳ තාම තරුණයි හිත් කොණක ආදරේ අද පවා කැලඹෙයි...? නුඹෙ නීල නෙතු දැහැන් බිඳී දුර ඉගිලෙයි සරසවිය මතක හිත යළි යළිත් අවුලයි...? මේ බිමේ මල් සුවඳ මැදින් හෙට එළි වෙයි ලා රෝස සාරියට කවි මතක පාරයි...? මේ බිමට මම වඩින සුබ මොහොත ළං වෙයි දන්නවද මම දැන් සිප් සතර බෙදන ගුරුවරියයි...? උඹ දුන්නු සාරියේ මතක සුව එහෙමමයි ඒ රෝස ලා පාට ආදරේ තවම සුවඳයි...? මා මියෙන තුරාවට ප්රේමයත් නුඹමයි කවිකාර හිත ගාව කවිය නුඹ විතරයි... මම, චතූ
චතුරංගි හර්ශිකා 5 years ago 311 5 4
උපන් නූපන් හීනවල සොඳුරු සිතුවම් පටයක මනස නිහඩව නොනිදා බලා උන්නා හවසක... හදවතට දුක කියනකොට සතුට හොයනා නෙතගට අසාධාරණ කදුලක් ඉනුවෙ සිතුවිලි අතරම... මග දෙපස නෙක සැරසිලි යනෙන වාහන එළි මැද හමාරයි කී කතාවක පේලියක් හොයනව මම... තව කතාවක් කියන්න උඹ වතාවක් ගියාම පෙර කතාවේ පිටුවල හුදෙකලා කවි පිරවූ කලට... තව වතාවක් ආවට පොත පුරාවට ඉඩ නැත හුදෙකලා මම තව දුර යා යුතුයි මග තනිවම... මම, චතූ
චතුරංගි හර්ශිකා 5 years ago 247 4 4
__________________________________________ -"දුවපල්ලා..."??? *** -" මොකක්?" -"දුවපල්ලා..."?? - "කොහෙටද?" -"ඔලුව හැරුණු අතක." - "යන්න තැනක් නැති උන් කොහේ යන්නද...? මම නවතිනවා...මැරිලා ගියාවෙ." - "උඹට පිස්සුද?" -"අසරණකමත් වෙලාවකට පිස්සුවක් බං" -"අනේ මන්ද බං දුවපල්ලා" -"බෑ...මං මැරෙන්න බය නෑ." *** -"වරෙන්..." -"බෑ...උඹ යනවද?" -"ඔව්" -"ඇයි?" -"මං මැරෙන්න බයයි බං" - "හ්ම්..." - "මෙහෙම වෙන්නේ ඇයි බං?" - "හ්ම්..." - "කියපං...?" - " හ්ම්..." - " මම දුවනවා..."? - " හ්ම්..." *** මම, චතූ 2020 නොවැම්බර් මස 02 වැනි දා ප.ව. 04.13
චතුරංගි හර්ශිකා 5 years ago 281 4 7
මටත් ආසයි දුයිෂෙන් වගේ ගොඩක් ලස්සන හදවතක් තියෙන අපූරු ගුරුවරයෙක් වෙන්න...? මටත් ඕනි දුප්පත් ලස්සන ගමක ඒ වගේම ආදරණීය පාසලක් ගොඩ නගන්න...? මටත් ඕනි ආදරණීය ළමයින්ගෙ නෙත් පාදන්න මගෙ ජීවිතේ වෙන් කරන්න...? නමුත් මට ඕනි නෑ අල්තීනායි අමතක කරලා තනිව ඉන්න හිත හදාගන්න...? මට ඕනි ජීවිතේ අසරණ වුණු ඈට පිහිට වෙලා සිප් සතර දෙන්න...? නමුත් මට ඕනි නෑ දුයිෂෙන් වගේ සදහටම ඈව අමතක කරලා දාන්න...? මට ඕනි ආදරේ ගැන හිතේ ලියපු කවිය ලෝකෙටම ඇහෙන්න කියවන්න...? හැබෑවටම මට බෑ දුයිෂෙන් වගේ ආදරෙන් ඈත් වෙලා හැමදාම අසරණ වෙන්න...? මම, චතූ✍ 2020 නොවැම්බර් මස 02 වැනි දා ප.ව.03.50
චතුරංගි හර්ශිකා 5 years ago 251 4 5
හරිම පාළුයි වෙනදාට හඩන කුරුල්ලොත් අද චාරිකාවක් ගිහින් වත් ද? ඒත් ඉතින් ඇදිරි නීති මැද මොන චාරිකාද මේ වෙලාවට... කුරුල්ලන්ට ඉතින් කොයින්ද තහනම් ඕනි වෙලාවක ඈතක ඉගිල්ලෙන්න... ඒකත් අමතක වුණා කුරුලු තටු වලටත් අපූරු නිදහසක් තියෙනවා නේද... ඒ කොයික වෙතත් අපි කුරුල්ලෝ නොවෙන නිසා පරිස්සමට ගෙදරටම වෙලා ඉමු... කාලය තමයිලුනෙ හොඳම බෙහෙත බලා ඉමු අපිත් පියාඹන්න දවසක් ඒවි ඉක්මනට... මම, චතූ
චතුරංගි හර්ශිකා 5 years ago 274 3 5
__________________________________________ කුරුල්ලෙක් මරබියේ කෑ ගහනකොට? අහස ගුගුරවමින් මහ වැස්ස වැටුණ හැටි...? වතුර නැතුව මිනිස්සු තැවෙනකොට☀️ දෙරණ පුරාවට ඉර කැටයම් මවපු හැටි... තිස් අවුරුදු යුද්ධය අන්තිමේදි මිනිස්සු විසින්ම ඉවර කරපු හැටි...⏳? එකා පිට එකා මැරෙනකොට මොන දෙවියෙක් වත් මේ පැත්තෙ නෑවිත් උන්නු හැටි...? රොතු පිටින් මරාගෙන තලාගෙන? මහා සුළි කුණාටු ලෝකෙ කළඹන හැටි... සානුකම්පිත හාස්කම් ඉස්සර තිබුණාට මතකද මෑතක අලියෙක් පොඩි දරුවෙක්ව පාගලා මරපු හැටි...? බුදුන් කල හෝ සක්විති රජුන් කල තිබුණු කිසිදු ශක්තියක් දැන් ලෝකයේ නැති හැටි...? හැම දෙයකටම අපිම පිළියම් හොයනවා මිස හාස්කම් ගැන සිතීමෙන් දැන් පලක් නැති...? සක් දෙවිඳු පවා තම දීර්ඝ සේවා කාලයෙන් පසු නිදහසේ විශ්රාම යන්නැති...?? මේ බුදුන් වැඩි දිවයිනේ හාස්කම් නම් තවත් නැතුවැති...⏳? රොතු පිටින් බෝධිවලට වැන්දට කොරෝනා නසන්න බෙහෙතක්ම හොයා ගත යුතුව ඇති...? අන්ධ පුද පූජාවෙන් එපිට ? ලෝකය දිහා බලන්නට දැන් අපිටත් කාලෙ හරි ඇති...? මම, චතූ 2020 නොවැම්බර් මස 02
චතුරංගි හර්ශිකා 5 years ago 250 4 5
?හුදෙකලා කවි වලට ප්රස්තුත බොහෝමයි ඒ හැම ප්රස්තුතයක්ම අත්දැකීමක් නොවේමැයි...☔ ?හඳට ප්රේම කළ බව කියන්නම් නමුත් හැබෑවටම මම පුර හඳට පෙම් නොකළා විය හැකියි...?? ?විරහ ගීත ලියන්නම් නමුත් මම හැබෑවටම විරහවක් අත් නොවින්දා විය හැකියි...?? ❤මම ප්රේමයට කවි බදින්නම් නමුත් මම අත්දුටු ප්රේමයක් නොතිබුණා විය හැකියි...❤? ?කවි සහ වචන එකතු වූ අරුමැසිය සැබෑව හා කල්පිතය අතර දෝලනය වන අපූරු කතාවකි...✍? මම, චතූ
Copyright © 2021 Nisadas | Powered by Arvin Apps
